Астана қаласының әкімі Әсет Исекешев Энергетика министрі Қанат Бозымбаевпен кездесіп, қала экологиясының өзекті мәселелерін талқылады.
Күн тәртібінде негізінен қалдықтарды басқару жүйесін жаңғырту, Астана экологиясының өзекті мәселесі, жылу энергетикасы жүйесін дамыту үшін қосымша қаржыландыру мәселесін қарастыру тақырыптары сөз болды.
Кездесу барысында Астана қаласының әкімдігі «2018-2020 жылдарға арналған Астана қаласының қоршаған ортаны жақсарту бойынша кешенді жоспарын» және «2030 жылға дейінгі Астананың төмен көміртекті дамуының стратегиясын» әзірлеу барысында жүргізілетін жұмыс туралы мәлімдеді.
Бұған қоса, қатты тұрмыстық қалдықтарды басқару жүйесін жетілдіру бойынша қанатқақты жобаны жүзеге асыруды ең бірінші қаралатын іс-шаралар қатарына енгізді. Әкімдік ҚР Энергетика министрлігіне экология заңын да күшейту туралы ұсынысын дайындап жатыр. Сондай-ақ, қоқысты қайта өңдеу саласын реттейтін заңнаманы жетілдіру мәселесі қарастырылды.
