Елордада ел Тәуелсіздігінің 30 жылдығына орай қазақ қайраткерлеріне арналған ескерткіштер ашылды.
Атап айтқанда, Қазақстан Республикасының Тұңғыш Президенті-Елбасы Нұрсұлтан Назарбаевтың, Кеңес Одағының екі мәрте Батыры Талғат Бигелдиновтің, Алаш қайраткерлері – Ахмет Байтұрсынұлы, Әлихан Бөкейхан, Міржақып Дулатұлы, халық әртісі, күйші, композитор, қазақ музыка мәдениетінің аса көрнекті қайраткері – Дина Нұрпейісованың, академик Қаныш Сәтбаевтың, Қазақстанның тұңғыш Олимпиада чемпионы, әлем чемпионы Жақсылық Үшкемпіровтің, мемлекет қайраткері Жұмабек Тәшеневтің, философ және ағартушы Әбу Насыр әл-Фарабидің, ағартушы Ыбырай Алтынсариннің ескерткіштері орнатылды. Сондай-ақ ескерткіштер қатарында коронавирус инфекциясымен алдыңғы шепте күрескендердің ерлігіне арналған «Алтын жүрек» мемориалы да бар.
