Ұлттық академиялық кітапханада Мемлекеттік рәміздердің 30 жылдығы мен Балалар жылына орай мектеп оқушылары арасында «Рәміздер – ар ожданым, айбыным!» атты онлайн-байқау өтті.
[smartslider3 slider=3600]
Геральдикалық зерттеулер орталығы ұйымдастырған байқауға Қазақстанның түкпір-түкпірінен 50-ге жуық өтініш келіп түсті.
Байқау қорытындысында шығысқазақстандық Инауат Пазылбек топ жарды. Сонымен қатар, ерекше көзге түскен 5 оқушы ынталандыру сыйлығына ие болды. Мемлекеттік рәміздерімізді ұлықтауға арналған игі шара аясында «Мен қазақтың баласы» атты жас ақындар айтысы да өтті. Айтыс үздіктеріне алғыс хат пен 100 мың теңгелік сертификат табысталды.
Баян асылбекова
