Астанада ҰБТ тапсыратын күндер белгілі болды деп хабарлады «Бәйтерек» халықаралық медиа-орталығы.
Елордалық түлектер үшін Ұлттық бірыңғай тестілеу 2, 4 және 6 маусым күндері өтетін болды. Тест тапсыру сағат 9.00-де басталады. Сұрақтарға жауап беру үшін 3,5 сағат уақыт бөлінеді. Ал, тест нәтижелері тест тапсырған күні сағат 18.00-ден соң белгілі болады.
3,5,7 маусым апелляция өткізетін күндер болып белгіленді.
Биыл Астана қаласы бойынша 3588 түлек ҰБТ тапсыруға өтінім беріп отыр.
