Білім
Үздік ұстаз атанды
Астанада «Үздік педагог-2022» республикалық байқауының жеңімпаздарын марапаттау рәсімі өтті. Мектептер мен колледждердің үздік ұстаздарының әрқайсысына 3 млн теңгеден ақшалай сертификаттар мен төсбелгілерді Оқу-ағарту министрі Асхат Аймағамбетов тапсырды.
Елордадан 3 ұстаз үздік болып танылды. Бұл – №46 балабақша-мектеп-гимназия кешенінің бастауыш сынып мұғалімі Евгения Салахадинова, «Astana Polytechnic» жоғары колледжінің өндірістік оқыту шебері Ержан Қасымов және № 1 психологиялық-педагогикалық түзеу кабинетінің дене шынықтыру мұғалімі – Қорған Конкулов.