Біраз уақыттан бері өткізіліп келе жатқан «Астана – қайырымды қала» акциясы жаңа жылдық шырша мерекесіне ұласты. «Сарыарқа» ойын-сауық орталығында мүмкіндігі шектеулі, көп балалы және тұрмысы төмен отбасынан шыққан балаларға арналған шырша тойы болды.
Аяз ата мен Ақшақар және әртүрлі мультфильмдер мен ертегілердің кейіпкерлері қатысқан шараға 5-13 жас аралығындағы 100-ден аса бүлдіршін қатысты. Оларға дәмі тіл үйірер тәттілер мен сыйлықтар тапсырылды.
«Астана – қайырымды қала» акциясы аясында өткізіліп отырған бұл шара Астана қаласы әкімдігіне қарасты Спорттық-бұқаралық іс-шараларды өткізу дирекциясының ұйымдастыруымен өткізілді. Қайырымдылық шарасына, сондай-ақ, елордалық кәсіпкерлер қолдау көрсеткен.
Бүркіт НҰРАСЫЛ
