Жылу орталығын аралады
Елорда басшысы Алтай Көлгінов қысқы маусымға байланысты шаһардағы 1 және 2-ші жылу электр орталығының дайындығын тексерді.
Бүгінде 1-жылу электр орталығы котлоагрегат пен турбогенератормен ауыстырылып, түтін құбырларын қайта жаңарту мен негізгі және қосалқы жабдықтарға монтаждау жұмыстары жүргізілді. Сондай-ақ қазіргі күні №4 қазандықты қайта жаңарту мен турбиналарын ауыстыру жұмысы жүргізіліп жатыр.
Ал 2-жылу электр орталығының бас корпусы мен су жылыту қазандығы кеңейтіліп, №4,5 түтін құбырларының құрылысы және негізгі және қосалқы жабдықтарын монтаждау жұмыстары істелді.
Бүгінде әлеуметтік нысандар мен тұрғын үйлердің жылу беру маусымына дайындығы 95 пайызды қамтиды.
Қала әкімі дайындық барысын өз көзімен көріп, жылу электр орталықтары шаһарды жылумен қамтамасыз етуге сақадай сай болу керектігін айтты. Қазіргі күні қала үшін қажетті отын қоры жинақталған.