«Адал адам – Адал еңбек – Адал табыс» ұранымен өткен үшінші ұлттық құрылтай еліміздің одан әрі саяси және әлеуметтік дамуы жолындағы тарихи қадам болды.
Құрылтай барысында заң алдындағы әділеттілік пен теңдікті қамтамасыз етудің, әділ еңбекақы төлеу және барлық азамат үшін қоғамның игілігіне қол жеткізудің маңызды аспектілері талқыланды.
«Адал адам» – әрбір адамның тең құқығы мен мүмкіндігі бар азаматтық қоғамның негізі, ал «Адал еңбек» әділ және лайықты еңбек үшін жағдай жасауға ұмтылысын білдіреді. «Адал табыс» халықтың барлық тобы үшін тең мүмкіндік пен әлеуметтік әл-ауқатты қамтамасыз етудің маңызын атап көрсетеді. Бұл құрылтай демократиялық институттарды дамытуға және құқықтық мемлекетті нығайтуға деген ұмтылысты баса көрсететін еліміздің саяси өміріндегі маңызды оқиға болды. Ендеше әділ және өркендеуші қоғам құруға бағытталған бастамаларды бірге қолдайық!
Алтыншаш ТАБУЛДИНА,
Астана қаласы мәслихатының депутаты
