Тың төсіндегі Целиноград шағын қала болғанымен, өткен ғасырдың жетпісінші жылдарының басында сауда орындарын халық тұтынатын тауарлармен қамтуда көпшіліктің көңілінен шығып жататын.
Әсіресе, орталық базар маңында орналасқан «Салтанат» әмбебап дүкеніне халық көп келетін. Өйткені мұнда келушілер тауардың түр-түрін таңдап, өз қалауларын сатып алып жататын.
– Салтанат біз білетін ең үлкен сауда орталығы болды. Ішінде ерлер мен әйел киімдерінен бастап, радио тауарға дейін бәрі сатылатын. Сондықтан мұнда тек қала тұрғындары ғана емес, келімді-кетімді қонақтар да бас сұқпай кетпейтін, – деп еске алады байырғы целиноградтық Валентина Христа.
Суретте 1972 жыл. «Салтанаттың» аяқкиім бөлімінің меңгерушісі Надежда Хамзина мен сатушы Маргарита Плетнева тауар қабылдау үстінде.
