10 қаңтарда өтетін еліміздегі Мәжіліс және мәслихат депутаттарын сайлауда 7 мыңнан астам Кәсіподақ федерациясының мүшесі байқаушы ретінде қатысады.
«Кәсіподақтар федерациясы сайлаудың әділ әрі адал түрде өтуін қадағалауда 2 миссия ұстанады. Алдымен қысқа мерзімді миссия – ол сайлау күні оның заң аясында өтуін қадағалау. Ал ұзақ мерзімді миссиямызға сайлауға қатысушылармен, дауыс берушілермен және партия өкілдерімен бірлескен жұмыстар жатады» деді Қазақстан кәсіподақтар федерациясының өкілі Төлеген Күнәділов елордадағы брифингте журналистерге. Оның пікірінше, сайлау кезінде жұмыс берушілердің өз қызметкерлерін сайлауға мәжбүрлі түрде қатыстыру немесе дауыс бергізудің орын алмауы маңызды. «Алдағы сайлауда еліміз бойынша 7 мыңнан астам кәсіподақ мүшесі атсалысып, бақылаушы ретінде қатысады» деді ол.